Nigeriyada qaçırılma qurbanlarının sümükləri tapılıb

BBC News yazır ki, Nigeriyanın cənubşərqində yerləşən Abia ştatının Umunneoçi rayonunda aparılan əməliyyat zamanı 28 insanın sümükləri tapılıb.

Polis sözçüsü Maureen Chinaka bildirib ki, əməliyyat zamanı şübhəlilər hadisə yerindən qaçaraq gizlənib. Ümumilikdə iki orman ərazisində, Umuaku və Nneato meşələri yaxınlığında həmin sümüklər aşkar olunub və kriminal düşərgələr dağıdılıb.

Aparılan ilkin versiyaya əsasən, sümüklərin qaçırılan şəxslərə aid olduğu güman edilir. Hazırda onların kimliyi və ölüm səbəbləri ilə bağlı ekspertizalar davam edir.

Abia polisi bildirib ki, hadisə ilə bağlı nəzarət gücləndirilib və qaçan şəxslərin tapılması üçün tədbirlər görülür. Ştat polisinin rəisi Wilfrid Afolabi əməliyyatı cinayətkar düşərgələri ləğv etmək istiqamətində davam edən kampaniyanın bir hissəsi kimi qiymətləndirib.

BBC-nin məlumatına görə, Nigeriyanın şimalında isə son günlərdə genişmiqyaslı qaçırılma hadisələri baş verib. Niger ştatında təxminən 50 fermer, qonşu Zamfara ştatında isə azı 40 qadın silahlı şəxslər tərəfindən qaçırılıb.

Qaçırılma cinayətləri Nigeriyanın şimalında qanunsuz qrupların əsas gəlir mənbəyidir. Bu qruplar arasında həm banditlər, həm də militant İslamçı qruplar yer alır.