Netanyahu Ərdoğana qarşı ittiham hazırlamağı əmr edib

News.ru yazır ki, İsrail Baş naziri Binyamin Netanyahu Rəcəb Tayyib Ərdoğana qarşı Beynəlxalq Cinayət Məhkəməsində (BÇM) ittiham hazırlanmasını tapşırıb.

Məlumata görə, Netanyahu Ərdoğanın Türkiyədəki kürdlər üzərində apardığı fəaliyyətlərə və Ankaranın HƏMAS-ı maliyyələşdirməsi iddialarına görə ittihamları yığmaq göstərişi verib.

Bu qərar Ərdoğanın İnterpoldan Netanyahuya qarşı həbs əmri tələb etmək planlarını açıqlamasından sonra verilib.

İsrail rəsmiləri hələlik açıqlama verməyib, i24News telekanalı bildirir ki, İsrail ya öz adından, ya da üçüncü bir dövlət vasitəsilə Haaqa məhkəməsinə müraciət edə bilər.

Həm İsrail, həm də Türkiyə Roma Statutunun üzvü olmadığından, BÇM-in yurisdiksiyasını tanımırlar.

Əvvəlki çıxışında Rəcəb Tayyib Ərdoğan BMT-də Qəzza böhranının həlli üçün İsrailə təzyiqlərin artırılmasını tələb edib və Ankaranın bölgədə sülh prinsiplərinə sadiq olduğunu vurğulayıb.