Moskva vilayətində dron hücumunda ölənlərin sayı artıb

TASS yazır ki, Moskva vilayətində gecə baş verən dron hücumunda ölənlərin sayı artaraq iki nəfər olub.

Vilayət qubernatoru Andrey Vorobyov bildirib ki, Domodedovo rayonundakı Barybino kəndində bir şəxsin meyiti xarabalıqlar altında tapılıb. Bu 71 yaşlı kişinin cəsədidir, həmin evdə olan qadın isə yaralanıb.

Qubernator həmçinin bildirib ki, Solneçnogorsk rayonundakı Radumlya kəndində 20 yaşlı kişi həlak olub.

Hücumda ümumilikdə doqquz nəfərin yaralandığı qeyd olunur, əvvəllər yaralananların sayı altı olaraq bildirilmişdi.