Moldovada insidentlə bağlı yeni təfərrüatlar açıqlanıb

Ukrainskaya Pravda yazır ki, Moldova Baş Polis İdarəsi pilotsuz aparatın səhər partlaması ilə bağlı yeni təfərrüatlar açıqlayıb.

Polis məlumat verir ki, pilotsuz aparat 40 metr yüksəklikdə rabitə xətti dayağı ilə toqquşduqdan sonra partlayıb.

Antenna konstruksiyasının 12 metr uzunluğunda hissəsində metal deformasiya və yanma izləri aşkarlanıb.

Partlayışın radiusunda, təxminən 265 metr ərazidə pilotsuz aparatın konstruksiya elementləri, idarəetmə sistemi, enerji təchizatı və güc qurğusu parçaları tapılıb.

Hüquq-mühafizə orqanları bildirir ki, insident rabitə xidmətlərinin işinə təsir göstərməyib və polis mütəxəssisləri partlayış yerini araşdırır.

Məlumata görə, 26 sentyabr axşamı Moldovanın sərhəd xidməti Ştefan-Voda rayonunun Volintiri kəndi yaxınlığında pilotsuz aparatın qalıqlarını aşkar edib.

Digər tərəfdən, 18 sentyabrda Kişinov yaxınlığında polis başqa bir dronun qalıqlarını tapıb.