Moldova rəhbəri Rusiyanın hücumunu qınayıb

Ukrainskaya Pravda yazır ki, Moldova prezidenti Maya Sandu Rusiyanın 3 oktyabr səhəri Ukrayna regionlarına hücumunu pisləyib. Bu hücum nəticəsində beş pilotsuz uçuş aparatı Moldova ərazisinə daxil olub.

Sandu vurğulayıb ki, Rusiya ilə müharibə təhlükəli şəkildə Moldovaya yaxınlaşır. Moskva Avropada insanların həyatını riskə atır və dayandırılmalıdır.

Moldovanın milli hava məkanının monitorinq sistemi həmin gün bir neçə pilotsuz uçuş aparatının keçdiyini qeydə alıb. Onlardan biri 30 sentyabrda Moldovanın hava məkanından keçib, sonra isə Hırbovets kəndi yaxınlığında Aneni-Noi rayonunda partlayıb.

Polis baş müfəttişliyinin məlumatına görə, həmin pilotsuz aparat 40 metr yüksəklikdə rabitə xətti dayağı ilə toqquşaraq partlayıb. Həmin gün başqa bir pilotsuz aparat da Moldovanın hava məkanından uçub. Hökumət şimal və mərkəzi ərazilərdə hava məkanını bağlayıb.