Mersində korrupsiya təhqiqatında iri dəyərli valyuta və qızıl tapılıb

Hürriyet yazır ki, Mersin Baş Prokurorluğu Böyükşəhər Bələdiyyəsi ilə Mezitli və Yenişəhər bələdiyyələrinə dair aparılan korrupsiya araşdırmaları zamanı şübhəli Ali Ö-nün evində polis axtarış keçirib.

Axtarış zamanı 257 min 600 avro, 25 min 120 dollar, 64 min 100 funt, 4 kiloqram külçə qızıl, 116 tam cumhuriyyət qızılı, 8 yarım qızıl, 5 çeyrek qızılı, 2 qram qızıl, lisenziyasız tapança, 3 şarjör, 60 patron və tender sənədləri götürülüb.

Əldə olunan materiallar polis kamerası ilə qeydə alınıb.

1 oktyabrda keçirilən eyni vaxtlı əməliyyatlar nəticəsində, o cümlədən Böyükşəhər Bələdiyyəsinin sədri Vahap Seçer, Mezitli Bələdiyyəsinin sədri Əhməd Serkan Tuncer və Yenişəhər Bələdiyyəsinin sədri Abdullah Özyiğit daxil olmaqla, 59 nəfər saxlanılıb.

Böyükşəhər Bələdiyyəsi ilə bağlı iş üzrə Doğukan Uyan və digər 3 nəfərin əvvəlki əməliyyatda həbs olunduğu bildirilib.