Melek Karahanı 1 il 3 ay həbs cəzasına məhkum ediblər

Hürriyet yazır ki, Melek Karahan sosial media hesabından 2016-cı ilin 15 iyulundakı çevriliş cəhdi ilə bağlı ittiham olunan paylaşımlar etdiyinə görə saxlanılıb və məhkəməyə verilib.

Karahan Mardin 3-cü Asliye Cəza Məhkəməsində “İctimaiyyəti yanıltıcı məlumatı açıq şəkildə yaymaq” maddəsi ilə 1 il 3 ay həbs cəzası alıb.

İlk məhkəmədə Karahan SEGBİS vasitəsilə iştirak edib və peşman olduğunu deyərək azadlıqda mühakiməsini istəyib. Daha sonra məhkəmə onun azad olunmasına qərar verib və işi təxirə salıb.

Bugünkü qərar iclasında Karahan və müdafiəçisi iştirak edib, o, bəraət istəyib. Məhkəmə ittihamı əsaslı sayıb və cəzanı təsdiqləyib.

Karahanın vəkili Elif Narin Dursun isə qərarın qanuna zidd olduğunu vurğulayıb, ifadə azadlığından istifadə olunduğunu bildirir və qərara qarşı apellyasiya şikayəti verəcəklərini söyləyib.

Melek Karahan isə Mardinə həmişə faydalı olmağa çalışdığını, həm heyvanlarla bağlı, həm də ətraf mühitlə bağlı fəaliyyət göstərdiyini, səbəbsiz cinayət törətmədiyini qeyd edib.