Massachusetsdə tibbi təyyarə yoxa çıxıb

BBC News yazır ki, tibbi təyyarə Boston, Massachusets istiqamətində hərəkət edərkən əlaqə kəsilib. Təyyarədə altı nəfər olub.

Federal Aviasiya İdarəsi təyyarənin, Gulfstream G-100 modelinin, saat 1:00 radələrində (yerli vaxtla) əlaqəsinin itirildiyini və axtarış-xilasetmə elan etdiyini bildirib.

Massachusets adası Nantucket yaxınlığında həm hava, həm də su üzrə axtarış həyata keçirilir, ABŞ Sahil Mühafizəsi bu barədə məlumat verib.

Təyyarə Bermud adalarından L.F. Wade Beynəlxalq Hava Limanından saat 23:40-da qaldırılıb və Bostonun Logan Beynəlxalq Hava Limanına saat 1:30-da çatması planlaşdırılırdı.

Sahil Mühafizəsinin verdiyi məlumatda təyyarənin Latitude Air Ambulances şirkətinə məxsus olduğu bildirilib. Şirkət xəstələrin evə qayıtması üçün beynəlxalq tibbi uçuşlar təşkil edir.

FlightAware platformasının məlumatına görə, təyyarənin hündürlüyü 7.300 metrdən 3.300 metrə düşəndən sonra əlaqəsi kəsilib.