Marmara bölgəsində leysanlar daşqınlara səbəb oldu

Hürriyet yazır ki, Marmara bölgəsində təsirli olan leysanlar Bursa və Sakaryada su basmalarına yol açıb. Bursa şəhərinin Mudanya rayonunda vətəndaşlar su basmalarında ev və pansiyonlarda qalıb. Buraya AFAD, Mudanya Axtarış-Kurtarma, jandarma və yanğınsöndürmə xidmətləri cəlb olunub, təxliyələr həyata keçirilir.

Bursada iki gündür davam edən yağışlar şəhər mərkəzində metrekareyə 13,7 kq, Mudanya ərazisində isə 15 kq-dan artıq yağıntı qeydə alınıb. Su basmalarında qalan onlarca ev və pansiyon sakinləri təhlükəsiz ərazilərə köçürülüb.

Sakaryada çoxsaylı dərələrin daşması ilə yaşayış məntəqələri və yollar su altında qalıb. Sapanca, Akyazı, Karasu və Geyvədə nəqliyyatda ciddi problemlər yaranıb, evlər su basıb, yol və körpülərdə ziyan dəyib. Əhaliyə itki və ya yaralanma barədə məlumat verilməyib.

Akyazıda 11 min toyuq tutumu olan təsərrüfat su altında qalaraq yüzlərlə toyuq tələf olub. Bölgədə 18 məktəb tədrisi bir gün dayandırıb. Sakarya Böyükşəhər Bələdiyyəsi və aidiyyəti qurumlar, həmçinin DSİ, AFAD və digər xidmətlər daşqınların fəsadlarının aradan qaldırılması üçün iş aparır.

Yağıntının ən çox müşahidə edildiyi Gölkent kəndində metrekareyə 150,5 kq yağış düşüb. Darıçayırı, Karapürçək və Ferizli kimi digər ərazilərdə də yüksək səviyyədə yağış qeydə alınıb. Bu, son 27 ilin ən güclü yağıntısı hesab edilir. Daşqınlar nəticəsində bir sıra körpülər bağlanıb, yollarda çökmələr baş verib.

Su basmalarında təxliyə olunan 4 nəfər Sahil Mühafizə və jandarma tərəfindən qayıqla xilasedilib, onların vəziyyətinin yaxşı olduğu bildirilib. Bölgədə hava şəraiti sabah və növbəti iki gün ərzində davam edəcək.