Manchester City bütün mali qayda pozuntularında günahlandırıldı

Hürriyet yazır ki, Premier Liqada müstəqil komissiya Manchester City-nin 2009-10 ilə 2017-18 mövsümü arasında maliyyə qaydalarını pozduğunu aşkarlayıb. Komissiya klubun gəlirlərini süni yollarla artırdığını və xərclərini azaltmaq üçün müxtəlif üsullara əl atdığını müəyyən edib.

Araşdırma nəticəsində klubun maliyyə qaydalarını pozmaq məqsədilə etdiyi saxtakarlığın dəyəri 900 milyon funt sterlinqdən çox qiymətləndirilib. Premier Liqa bildirir ki, Manchester City bəzi kommersiya müqavilələrini saxta tərtib edib, maliyyə sənədlərində yanlış məlumatlar göstərib və real maliyyə vəziyyətini yoxlayıcılardan və futbol orqanlarından gizlədirib.

Müstəqil komissiya kluba aid maliyyə məlumatları düzgün təqdim edilsəydi, Premier Liqa və UEFA-nın xərcləmə limitlərinin ciddi dərəcədə aşılacağını qeyd edib. Premier Liqanın idarə rəhbəri Riçard Masters qərarı şərh edərək, Manchester City-nin on il boyunca qaydaları sistemli şəkildə pozduğunu bildirib.

Manchester City isə komissiyanın qərarını qəbul etmədiyini və apellyasiya verəcəyini açıqlayıb. Klub iddia edir ki, qarşı tərəfin sübutları dayanıqlı deyil və komissiyanın rəyi hüquq və reallıqlara ziddir. Manchester City həmçinin hüquqi prosesə hörmətlə yanaşdığını, lakin bütün hüquqi imkanlardan istifadə edərək mübarizəsini davam etdirəcəyini vurğulayıb.