Malayziya Rohingyaları ölkədən göndərməyə başlayıb

Al Jazeera yazır ki, Malayziyada yaşayan təxminən 125 min Rohingya ailəsi formal təhsilə və səhiyyə xidmətlərinə çıxış imkanından məhrumdur. Onların uşaqları yalnız donorların dəstəyi ilə fəaliyyət göstərən qeyri-rəsmi təhsil mərkəzlərində oxuyur.

Rohingya ailələrinin valideynləri icazəsiz işlədikləri üçün qeyri-rəsmi məşğulluqla, məsələn, avtomobil yuma, restoran və kuryer xidmətlərində çalışırlar. Buna baxmayaraq, onların həyat şəraiti Myanmardakından daha yaxşıdır.

Malayziya hakimiyyəti 1,500-dən çox Rohingyanın könüllü şəkildə geri qaytarıldığını və təhlükəsizliklərinin təmin edildiyini açıqlayıb. Lakin BMT və beynəlxalq insan haqları təşkilatları bu addımı tənqid edir.

Myanmarda 2017-ci ildə hərbi qüvvələrin Rohingya azlığına qarşı qəddar hücumu nəticəsində 700 mindən çox Rohingya qonşu ölkə - Banqladeşə qaçmalı olub. Bu hadisələr soyqırım kimi qiymətləndirilir və hazırda Haaqa Beynəlxalq Məhkəməsində mühakimə olunur.

Myanma 2021-ci ildə hərbi çevriliş nəticəsində vətəndaş müharibəsinə sürüklənib. Bu səbəbdən ianəçi təşkilatlar və hüquq müdafiəçiləri geri qaytarılma qərarının təhlükəli olduğunu bildirir.

Malayziyada Rohingya icmasına münasibət son illərdə dəyişib. İqtisadi problemlər və sosial mediada yayılan yalnış məlumatlar nifrət kampaniyalarına səbəb olub və nəticədə bu azlıq daha çox təzyiq altında qalıb.