Malatyada zəncirvari qəzada 1 nəfər ölüb, 3 yaralı var

Hürriyet yazır ki, hadisə ötən axşam Fırıncı Mahalləsində baş verib. M.A-nın idarə etdiyi 44 AEE 258 qeydiyyat nişanlı avtomobil, 44 AHK 965 və 44 PV 080 qeydiyyat nişanlı iki yüngül ticari nəqliyyat vasitəsi ilə toqquşub.

Qəzada avtomobil toqquşmanın gücü ilə iki hissəyə ayrılıb. Sürücü M.A. ağır xəsarət alıb, yanındakı H.A., B.M.A. və yüngül ticari vasitədə olan F.G. yaralanıb.

Təcili yardım, yanğınsöndürən, polis və jandarma hadisə yerinə çağırılıb. Yaralılar ilkin tibbi yardım göstərildikdən sonra müxtəlif tibb müəssisələrinə aparılıb.

Həkimlərin bütün səylərinə baxmayaraq, avtomobil sürücüsü Mikail Akkuş (37) xəstəxanada vəfat edib. Digər yaralıların vəziyyətinin yaxşı olduğu qeyd olunub.

Hadisə ilə bağlı araşdırma aparılır.