Lavrov Səudiyyə Ərəbistanı ilə Hutilər arasındakı münaqişəni həll yolları axtarır

Manama, Bəhreyn, 18 oktyabr. Rusiya Səudiyyə Ərəbistanı ilə Hutilər arasındakı münaqişənin siyasi və diplomatik yollarla həll olunmasını istəyir, – deyə Rusiya xarici işlər naziri Sergey Lavrov bildirib.

"Eyni zamanda Ərəb yarımadasının cənubunda vəziyyətin pisləşməsi barədə danışdıq. Həmkarım artıq Yəməndə vəziyyətdən danışdı. Biz və Körfəz Əməkdaşlıq Şurasının tərəfdaşları bu böhranın siyasi və diplomatik həllini müdafiə edirik. 2023-cü ildə Səudiyyə Ərəbistanının fəal və aparıcı rolu ilə hazırlanmış yol xəritəsi də daxil olmaqla, bunun üçün kifayət qədər əsasın olduğuna inanırıq", – deyə o, Rusiya ilə Körfəz Əməkdaşlıq Şurası arasında 9-cu strateji dialoqdan sonra mətbuat konfransında bildirib.

Körfəz Əməkdaşlıq Şurası altı ölkənin – Bəhreyn, Qatar, Küveyt, BƏƏ, Oman və Səudiyyə Ərəbistanının regional təşkilatıdır. Bu təşkilat üzv ölkələr arasında bütün sahələrdə əməkdaşlığın genişləndirilməsini və əsas beynəlxalq və regional məsələlərdə ortaq mövqelərin formalaşmasını məqsəd qoyur.