Kürşad Zorlu 2-ci Qarabağ Müharibəsi şəhidlərini andı

Anadolu Ajansı yazır ki, AK Parti Ümumi Katibinin müavini və Türk Dövlətləri ilə Əlaqələr üzrə rəhbəri Kürşad Zorlu 2-ci Qarabağ Müharibəsində şəhid olanları anıb.

27 sentyabr Şəhidləri Anma Günü münasibətilə sosial şəbəkə hesabında paylaşım edən Zorlu müharibənin 2020-ci ildə başladığını, Azərbaycanın torpaq bütövlüyü və suverenliyi uğrunda canlarını qurban verən şəhidləri hörmət və rəhmətlə yad etdiyini bildirib.

O, şəhidlərin qəhrəmanlıq və fədakarlığının Qarabağın Azərbaycana qayıtmasının ən mənalı mirası olduğunu vurğulayıb. Zorlu qeyd edib ki, Türkiyə olaraq Qarabağda qardaşların yanında olduqları kimi, indiki zamanda da Azərbaycan xalqının sevinci və kədərini bölüşürlər.

O əlavə edib ki, ölkələr və xalqlar arasında möhkəm əlaqələr dünən olduğu kimi bundan sonra da hər hansı təxribatın qarşısı alınacaq. Şəhidlərin əziz xatirəsi Azərbaycan və Türkiyə xalqlarının ürəyində əbədi yaşayacaq. Kürşad Zorlu şəhidlərin ruhunun şad, məkanlarının cənnət olmasını diləyib.