KPSS ön lisans imtahanı Türkiyənin 81 vilayətində və Lefkoşada başladı

Anadolu Ajansı yazır ki, KPSS ön lisans imtahanı Türkiyə üzrə 81 vilayətdə və Lefkoşa şəhərində ümumilikdə 160 imtahan mərkəzində təşkil olunub. Burada 4 min 443 bina və 83 min 465 zal istifadəyə verilib.

İmtahan saat 10:15-də başlayıb və saat 10:00-dan sonra namizədlərin binalara daxil olmasına icazə verilməyib. Ümumi bacarıq və ümumi mədəniyyət testləri 120 sualdan ibarətdir və cavablandırmaq üçün 130 dəqiqə vaxt ayrılıb.

Əlavə vaxt tələb edən əlillər imtahan zamanı əlavə 30 dəqiqə müddətinə malikdirlər.

Şəxsiyyət vəsiqəsi olmayan və ya vəsiqəsində şəxsiyyət nömrəsi və fotoşəkil olmayan namizədlər üçün rayon və şəhər qeydiyyat idarələri açıq saxlanılıb.

İmtahana ümumilikdə 1 milyon 593 min 19 nəfər müraciət edib, bunlardan 6 min 59-u əlillərdir. İmtahan prosesində 218 min 455 məsuliyyətli işçi və 17 min 726 təhlükəsizlik əməkdaşı fəaliyyət göstərir.

KPSS ön lisans oturumu saat 12:25-də sona çatacaq və nəticələr 30 oktyabr tarixində elan ediləcək.