Kiyevin bəzi rayonlarında su kəsilib

Kiyevin sağ və sol sahillərində Rusiya hücumlarına görə suyun təzyiqi azalıb, bəzi rayonlarda su təminatı dayandırılıb.

Məlumatı Kiyev meri Vitali Kliçko və Kiyevvodokanal verib.

Kliçko bildirib: "Düşmən enerji infrastrukturuna hücumlara davam edir. Yüksək gərginlikli elektrik xətti zədələnib.

Sağ və sol sahillərdə suyun təzyiqi azalıb. Fövqəladə briqadalar artıq işə başlayıb.

Kiyevvodokanal bildirir: "Enerji təchizatında fasilələrə görə paytaxtın Solomensk, Qoloseevsk və qismən Şevçenkovsk və Svyatoshinski rayonlarında su kəsilib.

Kiyevvodokanal mütəxəssisləri vəziyyəti nəzarətdə saxlayır və suyun bərpası üçün zəruri tədbirlər görür.

Ukrainskaya Pravdanın məlumatına görə, su həmçinin Darnitski, Desnyanski və Dneprovski rayonlarının bəzi ünvanlarında yoxdur.

Hadisədən əvvəl 11 oktyabrda Obolonski, Podolski, Şevçenkovski və Desnyanski rayonlarının bəzi hissələrində elektrik enerjisinin kəsilməsi qeydə alınıb.

Enerji sistemində gərginlik olmadığı üçün Kiyevin bəzi yerlərində elektrik nəqliyyatının hərəkəti müvəqqəti dayandırılıb.