Kiyevdə BPLA qalıqları çoxmərtəbəli binanın damına düşdü

Ukrainskaya Pravda yazır ki, Kiyevin Obolonski rayonunda düşmənin pilotsuz uçan aparatı (BPLA) qalıqları çoxmərtəbəli yaşayış binasının damına düşüb və orada yanğın başlayıb.

Hadisə şənbə axşamı baş verib. Bakı vaxtı ilə 17:32-dən 17:53-dək Kiyevdə hava hücumu təhlükəsi ilə bağlı hava həyəcanı elan olunub.

Kiyev merinin verilən məlumata görə, ilkin araşdırmalara əsasən, dağıntılar və xəsarət alan olmayıb. Hadisə yerinə təcili yardım xidmətləri cəlb olunub.

Kiyev Şəhər Dövlət Administrasiyası bildirir ki, 16 mərtəbəli binanın damında yanğın baş verib. Hadisənin daha ciddi fəsadları yoxdur.