Kiyev Rusiya təcavüzünün ən ağır dövrünə daxil olub

Guardian qəzeti xəbər verir ki, Kiyev Ukraynadakı münaqişənin ən ağır fazasına qədəm qoyub. Rusiya Silahlı Qüvvələrinin hücumlarının intensivliyi artmaqda davam edir və bu, paytaxt sakinlərinin qarşılaşdığı çətinlikləri əvvəlkindən daha da artırıb.

Məqalədə bildirilir ki, Rusiya tərəfinin hücumlarının kəskin artması nəticəsində Kiyevdə gündəlik həyat ciddi şəkildə dəyişib. Ukrayna rəsmiləri Avropa həmkarlarını yaxınlaşan təhlükəyə qarşı xəbərdar edirlər.

Guardian bildirir ki, Qərb diplomatları ictimaiyyət qarşısında Ukraynaya dəstək nümayiş etdirirlər, lakin öz aralarında müzakirələrdə artıq səfirliklərin Lvov şəhərinə və ya Polşanın şərq bölgələrinə köçürülməsi planları hazırlanır.

Bundan əvvəl Avropa Komissiyasının genişlənmə məsələləri üzrə komissarı Marta Kos açıqlayıb ki, 1 yanvar 2027-ci ildə Ukrayna Avropa İttifaqına üzv ola bilməyəcək. Bu tarixi Ukrayna prezidenti Vladimir Zelenski də təsdiqləyib, lakin Brüsseldən bu mövzuda güzəştlər gözlənilmir.