Keçmiş Amerikan Idol iştirakçısı həyat yoldaşını qətlə yetirməkdə təqsirli bilinib

BBC News yazır ki, Ohio ştatında yaşayan 40 yaşlı Caleb Flynn həyat yoldaşı Ashley Flynn-in qətlində təqsirli bilinib. O, bu ilin fevralın 16-da evlərində yatan həyat yoldaşını başından iki dəfə güllələyib.

Cinayətdən sonra Flynn əli ilə soyguncular tərəfindən öldürüldüyü iddiasını irəli sürüb. Hüquq-mühafizə orqanları və məhkəmə bu iddianı rədd edib.

Məhkəmə jürisi üç saatdan az müddətdə qərara gəlib. Flynn həm də əlavə səkkiz ittiham üzrə - xüsusilə ağır qətl və sübutları pozmaqda təqsirli bilinib. Ona ömürlük həbs cəzası verilməsi gözlənilir.

Məhkəmə prosesi səkkiz gün davam edib. Prokurorlar Flynn-in Apple Watch və iPhone-dakı fəaliyyətlərini, polis kameralarının görüntülərini sübut kimi təqdim ediblər. Onlar həmçinin Flynn-in arvadına xəyanət etdiyi üçün yazdığı mahnını nümayiş etdiriblər.

Şahid kimi keçmiş sevgilisi Alleigha Botner dinlənilib və məhkəmədə onların mətn mesajlarından bəzi hissələr oxunub. Flynn heç bir şahid çağırmayıb.

Flynn-in vəkili Patrick Mulligan məhkəmədə sübutların yetərli olmadığını bildirib. Flynn-in silahı hələ də tapılmayıb; prokurorlar onun avtomobil konsolunda qaldığını deyir.

Prokuror Paul Watkins Flynn-in arvadına qarşı nifrətini əsas gətirərək, onun mətn mesajlarını vurğulayıb. Flynn məhkəmədə zaman-zaman göz yaşlarını saxlaya bilməyib.