Karib dənizi adasında kütləvi atışma baş verdi

News.ru yazır ki, Sent-Vinsent adasında kütləvi atışma nəticəsində dörd nəfər həyatını itirib, dörd nəfər isə atəşli yaralanma alıb.

Hadisə Griin-Hill ərazisində baş verib, orada yerləşən mağazanın yaxınlığındakı kriminal bölgədə silahlı şəxslər avtomobillə gəlib, insanlara atəş açıblar.

Ölən şəxslər arasında 22-dən 30 yaşadək üç kişi və bir qadın olub.

Polis hələ cinayətin motivini müəyyən etməyib və hadisə şahidlərindən məlumat almaq üçün müraciət edib.

Qəzet bildirir ki, hüquq-mühafizə orqanları dünya ictimaiyyətini inandırmağa çalışırlar ki, kriminal hadisələr yalnız müəyyən qrupları əhatə edir və turistlər üçün təhlükə yaratmır.