Kanadada yaşayan ruslar vətənə qayıtmaq istəyir

News.ru yazır ki, Kanadada yaşayan rusların ölkələrinə qayıtmaq istəyi hər il artır. Bu prosesdə müxtəlif yaş və sosial qruplardan olan insanlar iştirak edir.

Rusiyanın Ottavadakı səfiri Oleq Stepanov qeyd edib ki, insanların əsas məqsədi yaxınları ilə yenidən bir araya gəlmək, doğma dil və mədəniyyət mühitinə qayıtmaqdır.

Səfir bildirib ki, vətənə qayıtmaq istəyənlərin sayı getdikcə çoxalır. Bu insanlar həm özləri, həm də övladları və nəvələri üçün perspektiv axtarırlar.