İsveçrə neytrallığını konstitusiyaya salır

France 24 yazır ki, İsveçrə seçiciləri ölkənin çoxəsrlik neytrallığını konstitusiyaya daxil etməklə onu daha qəti şəkildə müəyyən etmək üçün referendumda səs verirlər.

1815-ci ildən bəri İsveçrə hərbi münaqişələrdə iştirak etməyərək neytrallığını qoruyub. Lakin bəzi şəxslər sanksiyalar kimi tədbirlərin bu prinsipə zidd olduğunu düşünür.

Referendum həmçinin Avropada təhlükəsizlik mühitinin dəyişməsi ilə neytrallığın necə qorunacağı sualını gündəmə gətirir. Xüsusilə, Rusiya ilə Ukrayna arasında müharibə və ABŞ-ın NATO kimi ənənəvi alyanslara təzyiq göstərməsi əsas məsələlərdəndir.

Digər neytral ölkələr Avstriya və İrlandiya müdafiə xərclərini artırır və NATO ilə əlaqələri gücləndirirlər. İsveçrə isə öz neytrallığını sərtləşdirmək istəyir.