İsveçdə yüzlərlə insan İsrailin Gazzəyə hücumlarını pislədi

Anadolu Ajansı yazır ki, İsveçin paytaxtı Stockholm şəhərində çoxsaylı vətəndaş cəmiyyəti təşkilatlarının çağırışı ilə yüzlərlə adam Radmansqatan bölgəsində bir araya gəlib. Onlar İsrailin Gazzədə mülki əhaliyə qarşı törətdiyi savaş cinayətlərinin dərhal dayandırılmasını istəyib.

Etirazçılar "Azad Fələstin, Azad Gaza", "Soyqırımı dayandırın" və "İsrailə boykot" şüarlı plakatlar gəzdirməklə İsveç parlamentinin qarşısına yürüyüş təşkil edib. Onlar "Gazzədə uşaqlar öldürülür" və "Fələstin azad olsun" kimi şüarlar səsləndirib.

Fələstin bayraqları qaldıran nümayişçilər ABŞ hakimiyyətinin də Gazzədəki savaş cinayətlərində iştirakını vurğulayıblar. İsveçli aktivist və komediyaçı Kerim Arslanagic bildirdi ki, sənət vasitəsilə Fələstin xalqına dəstək olmaq üçün tədbirdə iştirak edib.

O, Fələstin əhalisinin təzyiq, ərzaq qıtlığı və infrastruktur problemlərinin insanlıq üçün böyük itki olduğunu qeyd edib. Arslanagic bildirdi ki, bu durum 1948-ci ildən bəri davam edir və İsrailin tətbiq etdiyi kolonial siyasət soyuq silah kimi istifadə olunur.

Arslanagic əlavə edib ki, fərdi şəxslər və sənətçilər öz platformalarından istifadə edərək siyasətçilərə təzyiq göstərməli, narazılıqlarını ifadə etməli və dəyişiklik üçün addım atmalıdır.