İstanbulda terror təşkilatlarına qarşı əməliyyat keçirildi

Hürriyet yazır ki, İstanbul Polis İdarəsinin Terrorla Mübarizə və Kəşfiyyat Şöbələri "terrorizmin maliyyələşdirilməsi" cinayəti ilə əlaqədar əməliyyat aparıb.

Əməliyyat zamanı DEAŞ və əl-Qaidə terror təşkilatlarına aid olduğu müəyyən edilən şəxslərin sosial media hesablarında terror təşkilatlarını tərifləyən paylaşımlar etdiyi aşkarlanıb.

Bu şəxslərin kimliyi və ünvanları müəyyən edilib, onlara qarşı tədbir görülüb.

Əməliyyat zamanı 14 şübhəli saxlanıb və çoxsaylı rəqəmsal materiallar ələ keçirilib.

Saxlanılan şəxslər polisə aparılıb və işləri davam edir.