İstanbulda 64 kilo qızıl dələduzluq əməliyyatı aparıldı

Hürriyet yazır ki, İstanbulun Bakırköy məhkəməsinin Təşkilatlanmış Cinayətlər Bürosu tərəfindən aparılan istintaqda, Bahçelievlerdəki Kuyumcukentdə fəaliyyət göstərən 16 firmanın şikayətindən sonra əməliyyata start verilib.

Polis O.K. və H.K.-nin rəhbərlik etdiyi qrupun üçüncü şəxslər adına açılmış obyektləri vasitə olaraq istifadə etdiyini müəyyən edib.

Saxlanılanlar bilezik, boyunbağı, alyans və digər zinət əşyalarını Anadoluya satmaq məqsədi ilə topladıqlarını, amma bunları əvvəlcə həmin formada satmadıqlarını, öz atelyelərində əridərək təmiz qızıla çevirdiklərini bildirirlər.

Qrup aldığı qiymətlərin yalnız bir qismini ödəyib, daha sonra yeni materiallar alaraq borclanıb. Mal sahiblərinə iflas etdiklərini deyərək ödənişdən yayınaraq 64 kiloqram qızıl toplayıb, ciddi zərər yetiriblər.

İstintaq çərçivəsində 35 nəfər şübhəli barədə "Təşkilatlanmış cinayət qrupunun yaradılması və idarə olunması", "Təşkilat üzvü olmaq", "Ağır dələduzluq" və "Cinayət yolu ilə əldə olunan gəlirlərin yuyulması" ittihamları ilə həbs və axtarış qərarı verilib.

İstanbul, Ankara və Kocaelidə 45 ev və 3 iş yerinə eyni zamanda reyd keçirilib. Şübhəlilərin bank və elektron pul hesablarına, hüquq və tələblərinə, 18 avtomobil və 13 daşına bilən əmlaka cinayət yolu ilə əldə edilən mal varlığı kimi müsadirə qərarı verilib. 35 şübhəlidən 33-ü saxlanılıb, digərlərinin axtarışı davam edir.