İstanbul Boğazında Preveze Dəniz Qələbəsi qeyd edildi

Hürriyet yazır ki, İstanbulda Preveze Dəniz Qələbəsinin 488-ci ildönümü və Dəniz Qüvvələri Günü mərasimlə qeyd olunub.

Tədbir çərçivəsində Şimal Dəniz Sahil Komandanı Koramiral Ramazan Özoğul, İstanbul vilayət müavini Məhməd Sülün və “Beşiktaş” rayonu hakimiyyəti başçısı Oğuzhan Bingöl iştirak ediblər.

Mərasimdə əvvəlcə sayğı duruşu saxlanılıb, Dövlət Himni oxunub, daha sonra sayğı atəşi açılıb. Koramiral Ramazan Özoğul anıt kitabını imzalayıb və ardınca Barbaros Xəyrəddin Paşanın türbəsi ziyarət edilib. Orada da anıt kitabını imzalayıb və heyətlə birlikdə türbə qarşısında şəkil çəkdirib.

Daha sonra Dəniz Qüvvələri Komandanlığına aid 15 gəmi İstanbul Boğazı vasitəsilə keçid mərasimi keçirib. Keçiddə “TCG İstanbul”, “TCG Savarona”, “TCG Oruçreis”, “TCG Salihreis”, “TCG Heybeliada”, “TCG Büyükada”, “TCG Kalkan”, “TCG Mızrak”, “TCG Rüzgar”, “TCG Karayel”, “TCG Akçay”, “TCG Enez”, “TCG Işın”, “TCG 18 Mart” və “TCG Doğanay” gəmiləri iştirak edib.

Tədbir Yavuz Sultan Selim, Fatih Sultan Mehmet və 15 İyul Şəhidlər körpülərindən keçərək “Beşiktaş” istiqamətinə doğru davam edib. “Beşiktaş” iskelesindən keçən gəmilər çimariva salamı ilə qarşılanıb və bu anlar havadan görüntülənib.