İsrailli nazir Filistinlilərin binasını dağıtmaqla fəxr edib

Anadolu Ajansı yazır ki, İsrailin aşırı sağcı naziri Ben-Gvir ABŞ mərkəzli "X" sosial media platformasında Filistinlilərə məxsus binanın dağıdılmadan əvvəl və sonrakı görünüşünü paylaşaraq bu hadisəni fəxr hissi ilə təqdim edib.

Nazir dağıntı zamanı hadisə yerinə provokasiya məqsədilə gəlib və "İşlər ancaq belə gedir" sözlərini işlədərək yıxılma aktı ilə öyünüb.

O bildirib ki, son bir buçuk ildə 10 mindən çox tikilini yıxaraq onların sahələrini ələ keçiriblər. Bu ərazilərin ümumi ölçüsü Tel Aviv və Givataim şəhərlərinə bərabərdir.

İsrail qüvvələri işğal altındakı Şərqi Qüdsdə yerləşən Tur qəsəbəsində 10 ailənin yaşadığı 5 mərtəbəli binanı səhər saatlarında dağıdıb. Əksəriyyəti qadın və uşaq olan 70 filistinli evsiz qalıb.

Olayla bağlı aşırı sağcı nazir yıxılma işlərinə qatılan buldozerlərdən birinə minib və orada şəkil çəkdirib.