İsrail ordusu Lübnanın cənubuna hava hücumları etdi

Anadolu Agentliyi yazır ki, İsrail hava qüvvələri Nebatiyəyə bağlı Beni Hayyanı iki hava hücumu ilə vurub.

Gecə saatlarında isə İsrail ordusu Lübnanın cənubundakı Mecdel Zun bələdiyyəsində böyük partlayışlar törədib.

İsrail ordusu 2 mart tarixindən başlayaraq Lübnanın cənubunda intensiv hava hücumları təşkil edib və bir çox bələdiyyəni nəzarətə götürüb.

Lübnan hökuməti bu hücumlarla əlaqədar ölkədən 1 milyondan çox adamın köç etdiyini açıqlayıb.

17 aprel tarixindən etibarən İsrail ilə Lübnan arasında atəşkəs rejimi qüvvədədir və bu müddət ərzində atəşkəs bir neçə dəfə uzadılıb.

Lübnan Səhiyyə Nazirliyi bildirir ki, israilli hücumlarda ən az 4 min 386 nəfər həyatını itirib.

Digər tərəfdən, 26 iyun tarixində Vaşinqtonda İsrail və Lübnan arasında beşinci tur danışıqlardan sonra çərçivə anlaşması imzalanıb.