İspaniyada leysan su daşqınına səbəb oldu

Anadolu Ajansı yazır ki, İspaniyanın Valensiya, Kataloniya və Kastilya La Mancha bölgələrində iki gündür davam edən güclü yağışlar can və mal itkisinə yol açıb.

Albasete vilayətinin Madrigueras rayonunda sel daha çox zərər vurub. Burada evləri 1 metrədək su basan 102 yaşlı qadın həyatını itirib.

Rəsmi qurumlar bildirir ki, bölgədə qalan 90 nəfər xilas olunub. Valensiya bölgəsində ümumilikdə 400 mindən çox şagird təhsildən məhrum qalıb, çünki dərslər dayandırılıb.

Yağışlar nəqliyyat sisteminə də mənfi təsir göstərib. Bəzi yollar bağlıdır, dəmiryolu əlaqəsində gecikmələr var.