İran ABŞ-la dialoqa və hərbi qarşıdurmaya hazırdır

News.ru yazır ki, İran Xarici İşlər naziri Abbas Arakçi NBC telekanalına verdiyi müsahibədə ABŞ-la həm diplomatik həll yoluna, həm də hərbi qarşıdurmaya hazır olduqlarını deyib.

Onun sözlərinə görə, ABŞ-ın Tehrana qarşı hər hansı yeni aqressiyası öncəkilər kimi nəticəsiz qalacaq. O, hətta "qiyamət günü müharibəsi" olsa belə, hər hansı aqressiyaya qarşı duracaqlarını bildirib.

Arakçi əlavə edib ki, İran həm danışıqlara, həm də müharibəyə hazırdır və hadisələrin necə inkişaf edəcəyi barədə son qərarı ABŞ prezidenti Donald Tramp verəcək. İran isə ABŞ-ın Təbrana təklif etdiyi yeddi maddədən ibarət planı qəbul etməsi halında, diplomatik həll yoluna açıqdır.

İran Prezidenti Məsud Pezeşkian isə bildirib ki, Tehran Yaxın Şərqdə vəziyyətin tənzimlənməsi üçün addımlar atıb, amma ABŞ razılaşdırılmış sazişləri yerinə yetirməyib. O vurğulayıb ki, iki ölkə arasında etimadsızlıq mövcuddur, ABŞ isə müxtəlif sanksiyalar, təhdidlər və hücumlar vasitəsilə İranı sıxır.