Niderlandda fəaliyyət göstərən ING bankı çərşənbə günü abunə əsaslı yeni bankçılıq modelini təqdim edib. Bu addım gəlir mənbələrini şaxələndirmək və bazar payını qorumaq məqsədinə xidmət edir.

Bankın Ümumdünya Fərdi Şəxslər üzrə rəhbəri Sali Salieski Reuters-ə deyib ki, model 2027-ci ilin ortalarına qədər bütün bazarlarda tətbiq olunacaq və bankın xidmət haqqından əldə etdiyi gəlirlərə "əhəmiyyətli" töhfə verəcək.

Strateji rəqəmsal-neobankların artan rəqabəti ilə əlaqələndirilir. Məsələn, sürətlə böyüyən "Revolut"un 200 milyard dollara qədər dəyərində IPO keçirməsi planlaşdırılır.

Yeni model məhsul başına ödəniş sistemini aylıq abunə əsaslı və özündə bankçılıq, sığorta və streaming kimi xidmətləri birləşdirən paketə çevirəcək.

Model əvvəllər Belçika, Rumıniya və Polşada tətbiq olunub. Salieski bildirdi ki, İspaniya, Almaniya və İtaliya kimi bazarlar da bu sistemi tətbiq edəcək.

ING hesab edir ki, abunə xidmətləri bankın xidmət haqqı gəlirlərinin, xüsusilə gündəlik bank xidmətləri ilə əlaqəli gəlirlərinin davamlı artımını təmin edəcək.

Bank qrupları son illərdə net xidmət və komissiya gəlirlərinin artmasına üstünlük verib, bu da yüksək faiz dərəcələrinin yaratdığı qazanc dalğasını balanslamaq üçün edilən addımdır.

Salieski deyib: "(Abunə modeli) bütün bazarlarda daha geniş pay verəcək, çünki bəzi bazarlar ənənəvi olaraq az və ya heç xidmət haqqı almırdılar."

Son iki ildə ING xidmət haqqı və komissiya gəlirlərində sabit iki rəqəmli artım qeydə alıb. 2026-cı ilin birinci rübündə bu göstərici 1,24 milyard avro (1,43 milyard dollar) olub və ümumi gəlirin 21 faizini təşkil edib.