İlham Əliyev Qələbə Parkını ziyarət edib

News.ru-nun məlumatına görə, prezident İlham Əliyev və birinci xanım Mehriban Əliyeva 27 sentyabr Anım Günü münasibətilə Bakıda yerləşən Qələbə Parkını ziyarət ediblər.

Prezident İlham Əliyev Qələbə abidəsinin önünə tər çələng qoyaraq 44 günlük Qarabağ müharibəsində şəhid olmuş qəhrəmanların xatirəsini yad edib.

İki il öncə, yəni 27 sentyabr 2020-ci ildə Azərbaycan Silahlı Qüvvələri ölkə prezidentinin, ali baş komandan İlham Əliyevin əmri ilə əks-hücum əməliyyatına başlayıb.

Əməliyyat Ermənistan Silahlı Qüvvələrinin hərbi təxribatının qarşısını almaq məqsədilə təşkil olunmuş və Azərbaycanın qələbəsi ilə nəticələnib.

Bu qələbə nəticəsində işğal altında olan torpaqlar azad edilərək ölkənin ərazi bütövlüyü bərpa olunub.

Azərbaycan prezidenti İlham Əliyev 2020-ci il 2 dekabr tarixində 27 sentyabr tarixini rəsmi olaraq Anım Günü elan edib.