İki İran vətəndaşı Mançesterdə terror aktı planlaşdırmaqda ittiham olunur

Yeniliklərdən dərhal xəbərdar olun!

London polisi iki İran vətəndaşına Mançesterdə terror aktı hazırlamaqda ittiham irəli sürüb.

"Report" xəbər verir ki, bu barədə Skotlend-Yardın məlumatında deyilir.

Məlumata görə, söhbət sentyabrın 20-də Mançesterdə həbs edilən 36 yaşlı Salam Əhmədian və 34 yaşlı Rəhman Salehidən gedir.

"Onların hər ikisinə terror aktlarına hazırlıq üzrə hərəkətlər etməkdə ittihamlar irəli sürülüb", - polisdən bildirilib.

İttihamların yəhudilərin Yom-Kipur bayramı ərəfəsində törədilmiş cinayətlərlə bağlı olduğu ehtimal edilir. İttihamlara əsasən, müttəhimlər əldəqayırma bomba üçün komponentlər, o cümlədən partlayıcı qurğunun hazırlanmasına dair təlimat əldə etməyə cəhd göstəriblər.

Saxlanılanların hər ikisi həbsdədirlər və oktyabrın 3-də paytaxt Vestminster Magistrat Məhkəməsinin hakimi qarşısına çıxmalıdırlar.