İçişləri Nazirliyi bəzi bölgələr üçün sarı xəbərdarlıq verib

Anadolu Ajansı yazır ki, İçişləri Nazirliyi və Meteorologiya İdarəsinin məlumatına əsasən, Türkiyənin bir neçə bölgəsində sarı kodlu meteoroloji xəbərdarlıq verilib.

Bildirilir ki, sabah günortadan etibarən Muğla, Antalya, Aydın, Denizli, Uşak və Burdur ətrafında, eləcə də Manisa və İzmirin cənub-şərq hissələrində güclü yağış və şimşək çaxacağı gözlənilir.

Afyonkarahisar və Isparta bölgələrində isə həm güclü, həm də yerlərdə çox güclü yağışlar proqnozlaşdırılır.

Vətəndaşlardan ani sel, su basqını, dolu yağışı, ildırım, nəqliyyatda gecikmələr və yağış zamanı qüvvətli külək kimi təhlükələrə qarşı ehtiyatlı və önləyici tədbirlər görmələri xahiş olunur.