İtaliya hakimiyyəti Kanye West və Travis Scottun konsertlərinin keçrilməsinə ictimai asayiş və təhlükəsizlik səbəbindən qadağa qoyub.

Prefekt Salvatore Anjeri cümə günü bildirib ki, yerli yəhudi icmasının West-in konsertinin ləğv edilməsi tələbindən sonra iyul ayı üçün şimal şəhəri Reggio Emiliyadakı iki tədbir keçirilməyəcək.

İcmanın rəhbəri Nikoletta Uccielli isə yerli rəsmiləri musiqini təkrar universal birləşdirici qüvvə kimi önə çıxaracaq tədbir təşkil etməyə çağırıb.

West antisemitik, irqçi və pro-nasist ifadələrinə görə böyük qəzəb yaradıb. Bu səbəbdən Böyük Britaniyaya girişinə qadağa qoyulub.

ABŞ-lı reper, Ye kimi tanınan West, Scott və "The Chainsmokers", Rita Ora, "Swedish House Mafia" kimi digər sənətçilərlə birgə çıxış etməliydi.

Regional prefektura qərarın qəbulunda bir neçə amilin rol oynadığını açıqlayıb. Onlar arasında ABŞ reperinin digər ölkələrdə konsertlərinin öncədən ləğv edilməsini və mümkün qarşı tədbirlərin real təhlükəsini göstərib.

İki tədbirin 17 və 18 iyulda Reggio Emiliyanın "RFC Arena"nda keçirilməsi və böyük tamaşaçı kütləsini cəlb edəcəyi qərara təsir edən digər faktorlardandır.

Scott 2021-ci ildə Texasın Hyuston şəhərində "Astroworld" festivalında baş verən hadisələrdən sonra ciddi tənqidlər alıb. O vaxt 9 yaşdan 27 yaşa qədər 10 nəfər həyatını itirib.

ABŞ reperinin baş konserti zamanı izdiham səhnənin önünə toplaşaraq panikaya səbəb olub və minlərlə insan yaralanıb.

Bundan başqa, bu ilin yayında Londonda keçiriləcək "Wireless Festival" ötən ay ləğv olunub. Həmin festivalda West baş çıxışçı elan edilmişdi, lakin onun əvvəldən səsləndirdiyi fikirlərə görə Böyük Britaniyaya girişinə icazə verilməyib.

2022-ci ildə West sosial media hesabında "Yəhudilərə qarşı ölüm təhlükəsi 3" yazıb, ötən ilin mayında isə "Heil Hitler" adlı mahnısını və svastika işarəsi olan köynəkləri satışa çıxarıb.

Böyük Britaniyaya girişinin qadağan olunması digər ölkələrdə konsertlərinin də ləğvinə səbəb olub.

West aprelin 15-də bildirilib ki, turunun Marsel mərhələsi "əlavə məlumat verilənədək" təxirə salınıb. O vaxt Fransız mediada Daxili İşlər Naziri Loren Nünesin iyunun 11-də keçiriləcək konsertin qadağan edilməsinə çalışdığı xəbər verilib.

Onun 19 iyun Polşanın Xorzov şəhərindəki Sileziya Stadionundakı konserti isə "formal və hüquqi səbəblərdən" apreldə ləğv edilib.

Reper yanvar ayında "Wall Street Journal"da dərc olunan uzun açıqlamasında davranışlarına görə üzr istəyərək ictimaiyyət qarşısına qayıtmağa çalışıb.

"Mən nasist və ya antisemit deyiləm," deyə yazıb. "Yəhudi insanlarını sevirəm."

Bipolyar pozuntusu olduğu üçün "reallıqdan uzaqlaşdığını" da əlavə edib.