Hormuz boğazında neft tankerində partlayış baş verdi

News.ru yazır ki, Hormuz boğazında neft tankerində partlayış baş verib. Hadisə İrana məxsus yük gəmisinin boğazdan icazəsiz keçməyə cəhdi nəticəsində baş verib.

Məlumata görə, İran qüvvələri həmin yük gəmisinə zərbə endirib. Nəticədə tanker ziyan görüb.

Hadisə baş verəndən sonra İrana məxsus gəmi partlayışda zərər görən neft tankerinin yanına gedərək yaralıların təxliyəsini həyata keçirir.

Əvvəlcə İran Məclisinin spikeri Məhəmməd-Baqir Qalibaf bildirib ki, İrana aid şərtlər ABŞ tərəfindən qəbul edilənə qədər Hormuz boğazı gəmiçilik üçün açılmayacaq.

İran Milli Təhlükəsizlik Ali Şurasının katibi Məhəmməd Rzaeyi isə deyib ki, İslam Respublikası müharibənin dayandırılması şərtlərini Qatar vasitəsilə Vaşinqtona təqdim edib və ABŞ Prezidenti Donald Trampın cavabını gözləyir.

Bundan başqa, Tehran ABŞ-la danışıqların yenidən başlanmasına hazırdır, ancaq Ağ Evdən ciddi niyyətlərin nümayiş etdirilməsini tələb edir. İran nüvə proqramı ilə bağlı danışıqların isə yalnız İslamabadi saziş tam yerinə yetirilərsə bərpa oluna biləcəyini vurğulayır.