Hindistanın Uttar Pradeşində güclü yağışlar 56 nəfərin ölümünə səbəb oldu

Anadolu Ajansı yazır ki, Uttar Pradeş əyalətində aralıqsız 60 saat davam edən güclü yağışlar ciddi fəsadlar yaradıb.

Yağışlar səbəbindən baş verən təbii fəlakətlər və qəzalar nəticəsində 56 nəfər həyatını itirib, 46 nəfər isə yaralanıb.

Eyni zamanda, çox sayda heyvan tələf olub, 1000-dən çox ev ziyan görüb.

Hindistan Meteorologiya İdarəsi əyalətin bəzi yerlərində ani daşqın riski barədə xəbərdarlıq edib və yağışların davam edə biləcəyini bildirib.