Guterres nüvə silahlarından istifadənin qarşısını almaq üçün dialoqa çağırıb

Anadolu Agentliyi yazır ki, BMT Baş katibi Antonio Guterres soyuq müharibədən sonra ən təhlükəli nüvə dövrünün yaşandığını deyib.

81 il əvvəl Hiroşima və Naqasakiyə atılan atom bombalarından sonra belə nüvə silahlarının insanlıq üçün böyük təhlükə yaratdığına diqqət çəkib.

Guterres bildirib ki, bu təhlükə artır, çünki nüvə arsenalı modernləşdirilir və genişləndirilir, həmçinin istifadəsi barədə səslər güclənir.

O, bu ilin əvvəlində Strateji Silahların Azaldılması Müqaviləsinin müddətinin bitdiyini vurğulayıb və bunun beynəlxalq təhlükəsizlik üçün ciddi problem olduğunu qeyd edib.

Baş katib diplomatik səylərin nüvə silahlarının aradan qaldırılması və yayılmasının qarşısının alınmasında uğur qazanmadığını, risklərin artdığını, etimad mühitinin zəiflədiyini bildirib.

O, nüvə silah sahiblərini bu ölüm vasitələrinin insanlığın taleyini müəyyən etməməsi üçün dialoqa qayıtmağa çağırıb və gələcək nəsillərin bu təhlükə altında yaşamamalı olduğunu deyib.