Google və Micro1 Spirit Airlines-ın məlumatlarını almaq istəyir

Anadolu Ajansı yazır ki, ABŞ-lı texnologiya şirkəti Google və süni intellekt startapı Micro1 iflas edən Spirit Airlines-ın daxili kommunikasiya və müştəri məlumatları üçün milyonlarla dollar təklif edib.

Google məlumat paketi üçün 10 milyon dollar, Micro1 isə 12,5 milyon dollar ödəməyə hazır olduğunu açıqlayıb. Bu məlumatlar arasında 1992-ci ildən toplanan 97,5 milyon müştərinin qeydiyyatı var ki, onların 13,7 milyon aktiv elektron poçt ünvanı mövcuddur.

Spirit Airlines sentyabrın 25-də 27 ədəd köhnə Airbusa təyyarəsini 668 milyon dollara satıb. Həmçinin paketin tərkibində 175 mindən çox işçiyə aid şəxsi sənədlər, eləcə də 1,5 milyon daxili yazışma - e-poçtlar və Microsoft Teams mesajları yer alır.

Adətən iflas vəziyyətində olan şirkətlərin məlumatlarını süni intellekt şirkətlərinə satması qlobal biznes modelinə çevrilir. Hüquq mütəxəssisləri bildirir ki, maliyyə və ticarət məlumatları məlumatların qorunması qanunları çərçivəsində deyil, tam olaraq müqavilələr əsasında idarə olunur.

Bu gün məhkəmədə satışı təsdiqləyən qərarın veriləcəyi gözlənir.