Fridrix Mers Rusiyanın sülh istəmədiyini deyib

Ukrainskaya Pravda yazır ki, Almaniya kansleri Fridrix Mers Rusiyanın xarici işlər naziri Sergey Lavrovun onun həmkarı Yohann Vadeful ilə gözlənilməz görüşünü tənqid etməsindən sonra Moskvanın ciddi danışıqlara hazır olmadığını açıqlayıb.

Almaniya və Rusiya xarici işlər nazirləri 2022-ci il müharibədən sonra ilk dəfə 26 sentyabrda BMT-də görüşüblər. Görüşdən sonra Lavrov Vadefulun mövqeyini "heç nə yenilik gətirməyən" kimi qiymətləndirib.

Mers deyib ki, Rusiyanın reaksiyası onun ciddi danışıqlara marağının olmadığını göstərir və bu səbəbdən Almaniya Ukraynaya hərbi, siyasi, maliyyə və iqtisadi dəstəyini davam etdirəcək.

Kansler əlavə edib ki, Almaniya Kremlin işğalı dayandırmasını, Avropanın sülh danışıqlarında iştirak hüququnu və Ukraynanın Avropa İttifaqına üzvlük yolunu tələb edir.

O, vurğulayıb ki, Rusiya bu müharibəni uduzacaq və iqtisadi zərər çəkəcək. Müharibə davam edərsə, Moskva yüksək qiymət ödəyəcək.

Yohann Vadeful isə görüşü Rusiyanı eskalasiyanı dayandırmağa çağırmaq və ABŞ-ın tək qərarverici olmaması üçün keçirdiyini bildirib. Görüşdə Qara dənizdə taxıl blokadası da müzakirə edilib, lakin nəticə olmayıb.