Fransa XİN-də Lemaire və Nurievin sərgisi təşkil edildi

WWD yazır ki, Fransa Avropa və Xarici İşlər Nazirliyi nazirliyin tarixi Hôtel du Ministre salonlarını müasir və klassik dizayn nümunələri ilə bəzəmək üçün sərgi təşkil edib. Sərgi Thierry Lemaire və Parisdə yaşayan, Rusiya əsilli dizayner Harry Nuriev tərəfindən hazırlanıb.

"Passages: Pas sages" adlanan sərgi dizayn və sənət sahəsində yaradıcı mədəniyyətin nəsildən-nəsilə ötürülməsini əks etdirir. Sərgidə Fransa diplomatiyasının və nazirliyin tətbiqatlarının müxtəlif mərhələləri, tarixi keçidləri işıqlandırılır.

Sərgidə mərhum Louise Bourgeois və heykəltəraş Johan Cretenin işləri nümayiş olunur. Meksika, ABŞ və Koreya ilə Fransanın diplomatik münasibətlərinin yubileylərinə həsr olunmuş yeni əsərlərə yer verilib. Bu əsərlər fransız sənətkarlığını beynəlxalq mədəni mübadilənin vasitəsi kimi təqdim edir.

Nurievin dizayn etdiyi kompüter klaviaturası düymələrindən hazırlanmış kamin və "kabinət əsərləri" sərginin diqqətçəkən hissələrindəndir. Lemaire isə Fransanın prezident sarayında istifadə olunan K masasının və Bakı divanının müəllifidir.

Sərgi "Manufactures Nationales — Sèvres & Mobilier National", "Centre National des Arts Plastiques" və "Institut Français" kimi təşkilatların dəstəyi ilə keçirilir. Fransa Xarici İşlər Naziri Jan-Noel Barrot sərginin fransız yaradıcılığının beynəlxalq təsirini vurğuladığını bildirib.