Fransa polisi 5 mindən çox nəfər barədə tədbir görüb

Anadolu Ajansı yazır ki, Fransa Daxili İşlər naziri Loren Nunez TF1 kanalında liseylilərin etiraz aksiyalarını şərh edib.

Nunez qeyd edib ki, dünən aksiyalar 735 məktəbə təsir edib və 158 məktəbin yaxınlığında zorakılıq hallarına rast gəlinib.

Hadisələr zamanı polis, müəllimlər, jurnalistlər və sadə vətəndaşlara müxtəlif əşyalar atılıb, polis aksiyalarda baş verən narazılıqlara sistemli müdaxilə edib.

Polis aksiya zamanı 1747 nəfər haqqında tədbir görüb, 28 sentyabrdan bəri isə bu rəqəm 5 mindən çoxdur.

Nunez vurğulayıb ki, tədbir görülənlərin 85 faizi azyaşlılardır. Polisə etinasız davranışa imkan verilməyib, polisin bütün orta səviyyəli silahlardan istifadə etməsi tapşırılıb.

Sosialist prezidentliyə namizəd Segolen Royal Nunezin fikirlərinə sosial media üzərindən etiraz edib və aksiyada iştirak edənlərin azad olunmasını tələb edib. O, hakimiyyəti liseyliləri qızışdırmaqda ittiham edib və hökumətin səhvlərini sərt tənqid edib.