Fransa akaryakıt qiymətlərini aşağı salmaq üçün səfirlərini işə saldı

Anadolu Ajansı yazır ki, Fransa Xarici İşlər Nazirliyinin sözçüsünün açıqlamasına əsasən, Xarici İşlər naziri Jan-Noel Barro strateji əhəmiyyətli ölkələrdəki fransız səfirlərlə onlayn görüş keçirib.

Görüşdə Fransanın akaryakıt təchizatının təhlükəsizliyi və müxtəlifliyi müzakirə olunub. Nazirliyin açıqlamasında ölkənin ilin sonuna qədər yetərli akaryakıt ehtiyatına malik olduğu qeyd olunub.

Əvvəlcədən planlaşdırıldığı kimi, Orta Şərqdəki gərginliyin davam etməsi halında enerji məsələlərinin necə idarə olunacağı barədə fikir mübadiləsi aparılıb.

Fransız diplomatik missiyalardan enerji sahəsində mövcud vəziyyətdən xəbərdar olmaları və zərurət yaranarsa, yerli hakimiyyət və enerji sektorundakı ticarət tərəfdaşları ilə əlaqələri asanlaşdırmaları tələb olunub.

Nazirliyin açıqlamasında vurğulanıb ki, bu səylər Fransanın enerji təminatını qorumağa yönəlib və məqsəd fransızları narahat edən yüksək akaryakıt qiymətlərini azaltmaq üçün effektiv həllər tapmaqdır.

Orta Şərqdəki böhranın enerji təchizatı zəncirinə mənfi təsirləri nəticəsində akaryakıt qiymətləri artıb. Hökumət qiymət artımına qarşı sektoral yardımlar və digər tədbirlər həyata keçirsə də, bu kifayət etməyib.