Etna Yanardağının kül püskürməsi uçuşları dayandırdı

Anadolu Agentliyi yazır ki, İtaliyanın Sicilya adasında yerləşən aktiv Etna yanardağının dündür başlayan intensiv kül püskürməsi hava nəqliyyatında ciddi problemlər yaradıb.

Katanya Beynəlxalq Vincenzo Bellini Havalimanını idarə edən SAC şirkəti hava limanındakı daxili və beynəlxalq uçuşların 27 sentyabr saat 23:59-a qədər dayandırıldığını açıqlayıb.

Yanardağdan atılan vulkanik külün atmosferə təxminən 4 kilometr yüksəlməsi nəticəsində bölgədən keçən təyyaralar üçün "qırmızı" kodlu xəbərdarlıq verilib.

Bu ilin yay aylarında Etna yanardağında qeydə alınan fəallıq əvvəlki illərə nisbətən daha çox olub və bu, xüsusilə turistlərin Siciliya səyahət planlarına təsir göstərib.

Avropanın ən fəal yanardağlarından biri olan Etna son aylarda həm kül, həm də lav püskürmələri ilə diqqət çəkir.