Estoniya Rusiyanın keçmiş döyüşçülərinin Aİ-yə girişini qadağan edir

Avropa İttifaqı Rusiyanın Ukraynaya qarşı vuruşmuş hərbçiləri və keçmiş döyüşçülərinin girişini qadağan etməli, eyni zamanda Rusiya vətəndaşlarının girişinə məhdudiyyətləri sərtləşdirməlidir.

Bu barədə 12 oktyabrda, Lüksemburqda Aİ-nin Xarici İşlər Şurasının iclası öncəsi Estoniya Xarici İşlər naziri Margus Tsahkna məlumat verib.

Talin hesab edir ki, Aİ rusların turizm səfərlərinin imkanlarını məhdudlaşdırmalı və Rusiyanın keçmiş döyüşçülərinin Avropaya girişinə imkan verməyəcək ümumi mexanizm yaratmalıdır.

"Keçən il Şengen zonası ölkələri rus vətəndaşlarına 650 min turizm vizası verib. Biz buna artıq yol verə bilmərik. Estoniya sanksiya rejimi təklif edib, Avropa Komissiyası onu qəbul edib və indi keçmiş döyüşçülərin girişini qadağan etməyin yolunu tapmağa çalışır,"– deyə Tsahkna söyləyib.

Onun sözlərinə görə, bu o deməkdir ki, müharibə bitəndən sonra 650 min rus döyüşçü Avropaya gələ bilər.

"Hamısı deyil, amma çoxları Rusiya xüsusi xidmətlərinin dəstəyi altında ola bilər," – Estoniya xarici işlər naziri bildirib.

Tsahkna Rusiyanın Ukraynada döyüşmüş rusların Aİ-yə girişini Rusiya hibrid əməliyyatlarının Avropada artımı riski ilə bağlayıb və Aİ ölkələrinə bu təhdidlərə qarşı müdafiə hazırlıqlarına başlamağı tövsiyə edib.

"Biz Avropanı necə müdafiə edə biləcəyimizi də düşünməliyik, çünki Rusiya indi Avropanı hucum edir. Avropa ölkələrinə qarşı terror və diversiya hücumları artır və buna görə də Avropa təhlükəsizliyi haqda müzakirə aparmaq vacibdir," – deyə o bildirib.

Qeyd edək ki, yaxınlarda Avropa kəşfiyyat xidmətləri Aİ-də müdafiə şirkətlərinin rəhbərliyinə Rusiyanın sui-qəsd cəhdlərini gücləndirdiyi barədə xəbərdarlıq edib.

Eyni zamanda, Aİ Rusiyanın diplomatlarının yerləşdikləri ölkələrdən kənara çıxmasına qadağa qoymaq istəyir.