Türkiyə nüvə energetikasında həm rəqabətli qiymətə nail olmaq, həm də ən təhlükəsiz texnologiyanı tətbiq etməklə yüksək daxili tərkibi təmin etməyi hədəfləyir. Bu istiqamətdə işlər davam edir, deyə Energetika və Təbii Sərvətlər naziri Alparslan Bayraktar açıqlama verib.

Energetika Nazirliyinin məlumatına görə, Bayraktar Rumıniyanın Konstansa şəhərində yerləşən Çernavodă Nüvə Elektrik Stansiyasını ziyarət edib. Orada Kanadanın CANDU reaktor texnologiyası ilə tanış olub.

Bayraktar Türkiyənin 2050-ci ilə qədər nüvə gücünü 20 min meqavat səviyyəsinə çatdırmaq məqsədi olduğunu söyləyib.

“Türkiyə həm rəqabətli qiymətlərlə nüvə enerjisi inkişaf etdirmək, həm də ən təhlükəsiz texnologiyanı tətbiq etmək istəyir”, – deyə o bildirib.

O əlavə edib ki, nüvə tullantılarının idarə olunması və nüvə yanacağının təminatı üçün daha əhatəli yanaşma ilə yaxın vaxtlarda ikinci və üçüncü layihələrin reallaşması gözlənilir.

“Ölkəmizin enerji təminatını təmin etmək və Prezidentimiz Rəcəb Tayyib Ərdoğanın 2053-cü ilə qədər ‘Net Zero Emissions’ hədəfinə çatmaq üçün nüvə energetikası bizim üçün əvəzolunmaz elementdir”, – deyə nazir vurğulayıb.

Bayraktar Akkuyu Nüvə Elektrik Stansiyasında dörd reaktorun tikintisinin davam etdiyini, Sinop və Trakiyada əlavə stansiyaların qurulmasının planlaşdırıldığını söyləyib.

O, həmçinin kiçik modul reaktorların dövlətin gündəmində olduğunu və Türkiyənin kritik mərhələdə olduğunu bildirib.

“Hazırda, xüsusilə Akkuyudan sonra tikiləcək stansiyalar üçün texnologiya seçimi və əməkdaşlıq edəcəyimiz ölkələr barədə tədqiqatlar aparırıq”, – Bayraktar qeyd edib.

O, Türkiyənin Çinin bu sahədə uzunmüddətli danışıqlar apardığını, son vaxtlar Cənubi Koreya ilə əməkdaşlığın intensivləşdiyini xatırladıb.

Bayraktar əlavə edib ki, Kanada ilə nüvə texnologiyası sahəsində son aylarda xüsusi sıx əməkdaşlıq gedir.

“Rumıniyada CANDU texnologiyası ilə işləyən iki reaktorun yerində müşahidə imkanımız oldu”, – deyə o bildirib.

Naizrin sözlərinə görə, iyunun sonu və ya iyulun əvvəlində Kanadadan olan şirkətin Türkiyədə təchizatçılar və avadanlıq təminatçıları ilə görüşləri planlaşdırılır.