Elif Eralp Alexander Dobrindt barəsində şikayət verdi

Hürriyet yazır ki, Almaniyanın Berlin şəhərində Sol Partiyanın başqan namizədi Elif Eralp və partiya təmsilçiləri daxili işlər naziri Alexander Dobrindt barəsində məhkəməyə müraciət edib.

Eralpın vəkili Jasper Prigge bildirib ki, Dobrindt ZDF kanalında yayımlanan bir proqramda Elif Eralpa qarşı antisemit ifadəsini qəbul edib. O, həmin ifadənin Almaniya Cinayət Məcəlləsi üzrə iftira və təhqir olduğunu vurğulayıb.

24 sentyabrda yayımlanan "maybrit illner" verilişində Dobrindt ilə Sol Partiyanın Federal Məclis fraksiyası rəhbəri Heidi Rayçinnek arasında mübahisə yaşanıb. Proqram aparıcısı Maybrit Illner dil sürçməsi ilə Eralp barəsində "Elif Eralp antisemit olduğunu deyir" ifadəsini işlədib, sonra bunu düzəldərək "O antisemit deyil" deyib.

Buna reaksiya olaraq Dobrindt "Yox, elədir" cavabını verib. Heidi Rayçinnek isə Dobrindtin sözlərini "son dərəcə iyrənc" kimi qiymətləndirib.

Eralpın vəkili Dobrindtin aparıcının sözlərini öz mövqeyi kimi qəbul etdiyini və bunun yanlış olduğunu bildirib. Şikayət ərizəsində antisemit adlandırmanın Eralpın siyasi nüfuzuna zərər verə biləcəyi və Berlin hökumətinin qurulmasına təsir göstərə biləcəyi qeyd olunub.

Berlin Eyalət Məclisi seçkilərində Sol Partiya 25,7 faiz səslə birinci olub. Elif Eralp isə Sosial Demokrat Partiya və Yaşıllarla koalisiya yaradaraq Berlinin başçısı olmaq niyyətindədir.