Elazığda yaşlı cütlüyün öldürülməsində əlavə şəxs saxlanıldı

Hürriyet yazır ki, Elazığın Karakoçan rayonuna bağlı Koçyiğitlər kəndində 8 sentyabr gecəsi iki mərtəbəli evdə yanğın baş verib. Yanğından sonra evdə Ağa və Nimet Üykü cütlüyünün meyitləri tapılıb.

Müayinə zamanı cütlüyün sinə nahiyəsində güllə izləri aşkar edilib. Araşdırmalar göstərir ki, onları öldürüb, ev yandırılıb. Eyni zamanda, Nimet Üyküyə məxsus 2 bilərzik, 1 boyunbağı və 2 sırğının itkin düşdüyü məlum olub.

Jandarma Cinayət Araşdırma Komandası (JASAT) hadisə ilə bağlı işi davam etdirib. Məlum olub ki, şübhəli H.Ç. evdəki qızılları oğurlayaraq İstanbula qaçıb və onları qızıl dükanında satmağa çalışıb. Havalimanında X-Ray görüntüləri əsasında tutulub və qəsdən adam öldürmə və quldurluq ittihamı ilə həbs edilib.

Hadisənin tək başına törədilmədiyi, yanında qadının olduğu iddiası araşdırılıb. Bu səbəbdən, Koçyiğitlərdə yaşayan, hazırda Diyarbakıra ailə üzvünün yanında olan Ç.G. də jandarma tərəfindən saxlanılıb.

Ç.G.-nin istintaqı davam edir.