Eda Savcıgil Catalina Kanalını rekordla keçib

Anadolu Ajansı xəbər verir ki, İzmir Gənclik və İdman İdarəsi milli ultramaraton üzgüçüsü Eda Savcıgilin Okean Yedilisi çərçivəsində 32 kilometrlik Catalina Kanalı mərhələsini iki rekordla bitirməsi barədə məlumat verib.

Milli idmançı parkuru 10 saat 27 dəqiqəyə qət edib. Bu nəticə ilə o, həm ən sürətli qadın üzgüçü, həm də bu mərhələni keçən ən gənc türkdür.

Eda Savcıgilin məşqçisi Bengisu Avcıdır. O, idmançının Okean Yedilisinin digər mərhələlərinə hazırlaşdığını bildirib.