ECB prezidenti Lagarde faiz artımının iqtisadiyyatı yavaşladacağını deyib

Anadolu Ajansı yazır ki, Christine Lagarde Avropa Parlamentinin İqtisadi və Maliyyə məsələləri komitəsində çıxış edib. O, inflyasiyanı nəzarətdə saxlamaq üçün ECB-nin ölçülü bir cavab verməsinin uyğun olduğunu vurğulayıb.

Lagarde qeyd edib ki, hələlik inflyasiyanın davamlı olması ilə bağlı heç bir sübut yoxdur və enerji qiymətlərinin yüksək əmək haqqı tələblərinə çevrildiyini görmürlər. Bu şok böyükdür, amma inflyasiyanı azaltmaq üçün ölçülü yanaşma seçiblər.

O bildirib ki, Avrozonada uzunmüddətli istiqraz faizlərinin yüksəlməsi iqtisadi artımı yavaşladacaq və artan enerji xərcləri inflyasiyaya ötürülməsini sentyabr proqnozlarından daha çox məhdudlaşdıracaq.

Lagarde süni intellektin Avropa iqtisadiyyatı üçün dönüş gücü olduğunu qeyd edib. Şirkətlərin 2026-cı ildə ümumi sərmayələrinin təxminən 10 faizini bu texnologiyaya yönəldəcəklər.

O, süni intellektin uzunmüddətli dövrdə məhsuldarlığı artırıb inflyasiyaya təzyiqləri azaltmaq potensialına malik olduğunu, lakin Avropanın bu sahədə ABŞ-dan geri qaldığını vurğulayıb.

Lagarde Avropanın texnoloji müstəqilliyini qorumaq üçün innovasiyanı təşviq etməyi, texnoloji müstəqilliyi gücləndirməyi və süni intellektin bütün sahələrdə yayılmasını təmin etməyi tövsiyə edib.